Bir neçə gün öncə U-17 yığmamızın heyəti açıqlandı. Ancaq heyətə nəzər salanda acı bir mənzərə ilə üz-üzə qaldıq. Əslində acı da deyil, öyrəncəliyik bu hallara. Məsələ ondadı ki, yenə "ənənəsini" pozmayan AFFA əcnəbi futbolçuların komandaya doldurulmasına şərait yaradıb. Axı niyə? Nəyə lazımdı U-17-yə bu qədər əcnəbinin yığılması? Göz görə-görə Elxan Məmmədovun məhvə sürüklədiyi yığmamızın halı acınacaqlıdı. Məgər bu futbolçular komandanı hara qədər daşıya bilərlər? Aydın məsələdi ki, onsuz da onların böyük hissəsi sona qədər yığmaya xidmət edən deyil. Oynayacaqlar, bir az böyüyəcəklər, əsas yığma yaşına çatanda yenə Elxan Məmmədov gedib Almaniyadan, Rusiyadan Eddi İsrafilov, Emin Mahmudov, Ramil Şeydayev kimilərinə fantastik məbləğdə pul verib, gətirib otuzduracaq beşulduzlu otellərin birində.  Belədə həm onların yolu bağlanacaq, həm də bizim yerli futbolçuların qarşısındakı "qırmızı işıq" sönməyəcək. Axı hamısını görə-görə gəlmişik. Çünki onların başqa ideyaları yxdu, iflasa uğrayıb, tükəniblər. Qısası həmin o boz binada oturanlar bir tərəfdən "inkişaf", "inkişaf" deyib qulaqlrımızı doldurmağa, bacarıqszlıqlarını ört-basdır etməyə çalışır, digər tərəfdən əcnəbiləri gətirib doldururlar komandaya. Özü də U-17-yə. Niyə? Nə üçün? Əslində mövzu ilə bağlı suallar kifayət qədərdi. Buna isə komanda üçün məsuliyyət daşıyanlardan cavab almaq lazımdı.

Bu üzdən Sport7.az olaraq U-17-nin baş məşqçisi Vüqar Məmmədlə danışmağı lazım bildik.

- Bu futbolçuların oyununa təlim-məşq toplanışlarında şəxsən baxmışam. Hazırda Azərbaycan çempionatında oynayan futbolçular  onlar səviyyəsində deyil. Yəni əksəriyyətinin səviyyəsi milliyə layiq deyil. Heyətə dəvət etdiklərimiz liqalarda özlərindən 1 yaş böyüklərlə oynayırlar. Yəni U-17 deyil, U-19 liqasında çıxış edirlər. Baxıb bəyəndiyim, tanıdığım oyunçuları dəvət etmişəm, hansı ki, onların yığmaya kifayət qədər köməyi dəyəcək. 

- Sizinlə razıyam, inkişaf istəyiriksə yığmamıza getdikcə azərbaycanlı futbolçuları toplamaq lazımdı. Düzdü, aşağı yaş qruplarında doğurdan da potensiallı futbolçular var. Amma bildiyiniz kimi qrupumuzda İngiltərə, Avstriya və Rumıniya var. Əcnəbiləri gətirmişəm ki, bu rəqiblərə böyük hesabla uduzmayaq. İstəyirik ki, həmin potensiallı futbolçularımız gəlmələrin fonunda daha da inkişaf etsinlər. Bu addımı düşünüb atmışıq. Bugünlükdü, mən də razıyam, gələcəkdə heyətdə yerlilərin sayını artırmaq lazımdı. 

- Ölkədəki durumu bilirsiz. Bir neçəsini çıxmaq şərtilə, klubların əksəriyyəti peşəkar səviyyədə çalışmırlar. Mən 6 ilə yaxındı komandadayam, hamısını izləyirəm, görürəm. Bəzi komandalarda milliyə layiq olan futbolçular var. Fikrimcə indi iki-üç əcnəbi futbolçu dəvət etmək olar ki, böyük hesabla uduzub psixoloji prolemlərlə üzləşməyək. 

- Dediyim kimi, müvəqqətidi. Yavaş-yavaş azaltmaq lazımdı. 

- Bu sualı AFFA rəhbərliyinə versəz daha yaxşı olar. Amma Lippert futbolçu yetişdirməməlidi. Bu klublardan asılıdı. Yığma klubdan formalaşır. Klublarda peşəkar şəkildə iş getməlidi. 

- Bernard Lippert yığmalar üzrə əlaqələndiricidi. Amma biz məşqçi olaraq bütün klublarla sıx əlaqə saxlayırıq. Klub məşqçiləri ilə birlikdə işləməliyik. Ona görə də onların məşqlərini daim izləyirəm. Elə məşqçi yoxdu ki, danışmayım. Telefonla da olsa əlaqə saxlamışam, görüşmüşəm. Təkcə yığmadan söhbət getmir. Məsələn, hansı futbolçuya necə məşqlər keçək lazım olduğu haqda müzakirələr apaırıq. 

- Belə deyim, bu yaxınlarda "Vətən" - "Rəvan" matçına getmişdim, hesab 13:0 oldu. İndi mən belə hesabla uduzan "Rəvan"dan hansı futbolçunu götürüm? Birmənalı şəkildə yoxdu. O cümlədən "Vətən"də. Yəni, az-çox, kim pespektiv vəd edirsə, onu da yığmaya çağırırıq. "Qəbələ"ni götürək. İstedadlıların əksəriyyəti bu komandaya yığışıb. Keçən təlim-məşq toplanışına "Qəbələ"dən 8-9 nəfər dəvət etmişdim. Demək istəyirəm ki, kim layiqdisə, o da yığmaya dəvət alır. 

- Yenə deyirəm, ola bilsin var. Amma bu gün tam hazır olanlar , Rumıniya, İngiltərəyə qarşı oynaya biləcək futbolçular yığmaya dəvət alıb. Onlardan da 12-13 nəfəri yerlidi. Tural Vəlizadə "Fənərbaxça"da, Murad Mahmudov "Leypsiq"də oynayır. Ölkə çempionatında oynayan futbolçuların hamısına baxmışıq.

- Əvvəla, bu sual mənə verilməməlidi. İkincisi, hər şey göz qabağındadı. Bu gün Azərbaycan Norveçi udub, 6 xalla ikinci yerdədi. Niyə pullar boş yerlə xərclənir ki? Pis-yaxşı nəticəmiz var. 

- Bu sualı mənə verməyin. Bir də ki, kim o formanı geyib meydana çıxırsa, deməli, Azərbaycanın futbolçusudu.

- İnanmıram ki, bilmirlər. Çox sağ olun ki, zəng vurub maraqlanırsız...

- Bilirəm, bu problemləri yavaş-yavaş aradan qaldırmağa çalışırıq. Dediyim kimi, bütün azərbaycanlı futbolçuların hamısına baxmışıq. Sadəcə, heyəti tamamlamaq üçün əcnəbiləri dəvət etmişik. Onlar da əsas yığmamıza yavaş-yavaş öyrəşəcəklər. 

- U-19-da əcnəbi yoxdu. U-21-də is cəmi bir neçə nəfərdi. U-17-yə gəlincə... Həqiqətən çempionatın səviyyəsi aşağıdı. Potensiallı futbolçuların hamısın dəvət etmişik. Göz qabağındadı, siyahıya da baxa bilərsiz.

- Əlbəttə, canlarını qoyur. Əvvəlki illərdə dəvət etdiyimiz futbolçular indi də Azərbaycanı həmişə xatırlayırlar. Bu gün də millimizdə oynamaq istəyirlər.

- Biz həqiqətən ürəkdən oynayan futbolçuları dəvət etmişik. Yoxsa, gəlib 3-5 oyundan sonra getsinlər, belə söhbət yoxdu.

- Onlar istədiklərini bildirdikləri üçün çağırmışıq.

- Düzdü, başa düşürəm. Haqlısız uşaqdılar, 16-17 yaşları var, ola bilər kimsə futbolu atacaq. Yəni o demək deyil ki, hamısı standart futbolçu olacaq. Amma doğurdan da elələri var ki, yığmamızda canlarını qoymağa hazırdılar. Oynamaq istəyirlər, layiqli futbolçlar idi. Mən də tərəfdarıyam ki, yığamızda yerlilər oynasın. Getdikcə bu problemi aradan qaldırmağa çalışacağıq.