21 yaşadək gənclərdən ibarət karate üzrə Azərbaycan milli komandasının üzvləri Murad Hacızadə (84 kq-dan yuxarı) və Fidan Teymurova (50 kq) Dünya Karate Federasiyasının WKF Kuboku turnirinin mükafatçıları olublar.

Sportfm.az xəbər verir ki, iyulun 4-5-də Xorvatiyanın Umaq şəhərində keçirilən yarışda M.Hacızadə qızıl, F.Teymurova isə bürünc medal qazanıblar. Yuxarı yaş dərəcəsində daha iki idmançımızın nəticəsi iyulun 5-də məlum olacaq.

Bu turnirdən əlavə, iyulun 5-7-də Umaqda WKF-in Gənclər Liqası yarışı da keçirilir. Kumite üzrə yeniyetmə və gənclərdən ibarət komandamızın baş məşqçisi Anar Allahverdiyevin rəhbərlik etdiyi heyətdən daha 14 idmançı turnirə qatılacaq.

Kata üzrə baş məşqçi Vahid Ayvazov isə 14-15 yaşlı yeniyetmələr və 16-17 yaşlı gənclərin hər bir yaş dərəcəsində iki idmançısının iştirakına üstünlük verib.

Beynəlxalq hakimlər Cahangir Babayev və Vüqar Kərimov WKF-in Gənclər Liqasını idarə edən hakimlər arasındadır.

Yarışda 70 ölkədən 2577 idmançı iştirak edir.

Oxşar xəbərlər

Gənc karateçilərimiz Xorvatiyada 10 medal qazandı - FOTO

Karateçilərimiz Macarıstandan 8 medalla döndü

Azərbaycan millisinin iki üzvü beynəlxalq turnirdə mükafat qazandı - FOTO

Karateçilərimiz Qran Pri turnirini 10 medalla başa vurdu - FOTO

Azərbaycanın gənc karateçiləri İspaniyada dünya çempionatında iştirak edəcəklər