«Xəzər Lənkəran» üzümüzə gələn «futbol ili»ndə də fəaliyyətini davam etdirəcək. 

Sportfm.az xəbər verir ki, bu barədə «ağ-yaşıllar»ın mətbuat xidmətinin rəhbəri Hüseyn Cəbrayıloğlu məlumat verib. 

Onun sözlərinə görə, klub 3 yaş qrupu üzrə yaşamını sürdürəcək: «!0, 13 və 17 yaşlılardan ibarət komandalarımız yeni mövsümdə çıxış edəcək. 

Ölkə çempionatında mübarizə aparacaq təmsilçilərimizin sayının artıb-artmayacağını deyə bilmərəm. 

Rəhbərlik hələ bu barədə heç bir göstəriş verməyib. Hazırda kluba axının kifayət qədər olduğunu söyləyərdim. 

150-200 arası uşaq seçimlərə qatılıb. U-17-də çıxışını başa vuranları sonradan sərbəst buraxırıq, başqa klublara gedirlər. 

Təkcə ötən mövsüm 4 yetirməmiz «Keşlə» ilə müqavilə bağladı. Ümumiyyətlə, Lənkərandan Premyer Liqa klublarına dəvət alan yeniyetmə futbolçular çoxdu».