AFFA İntizam Komitəsi "Səbail" klubunun qapıçısı Aleksandr Rıbkanı 3 oyunluq cəzalandırıb. 

Sportfm.az xəbər verir ki, buna səbəb 32 yaşlı qolkiperin XXIV turda "Neftçi" ilə matçda sarı vərəqə aldıqdan sonra təhqiredici ifadələr işlətməsidir. Ukraynalı oyunçunun klubuna isə 1600 manat məbləğində cərimə kəsilib. Rıbkaya verilən 3 oyun cəzanın 2 oyunu şərti cəza kimi tətbiq edilib və 6 ay sınaq müddəti verilib. Sınaq müddəti ərzində o, yenidən cəzalanacağı təqdirdə sanksiyanın növbəti hissəsi qüvvəyə minəcək. 

Bu görüşdə həmçinin "Neftçi"nin 4 oyunçusu sarı vərəqə ilə cəzalanıb. Bununla əlaqədar flaqman 800 manat məbləğində cərimələnib.  

"Keşlə" ilə səfər oyununda "Qəbələ"nin məşqçisi Elmar Baxşıyev hakimə qarşı kəskin etiraz etdiyi üçün texniki zonadan kənarlaşdırılıb. İntizam Komitəsi Baxşıyevə bir matçlıq cəza verib və klubunu 800 manat cəriməyə məruz qoyub. 

Bu matçın gedişində “Qəbələ” klubunun üzvü Stiven Jozef Monrozun yol verdiyi hərəkətlə bağlı “Qəbələ” klubunun nümayəndəsi İntizam Komitəsinin iclasına dəvət olunub, məsələ ilə bağlı tərbiyəvi işin aparılması barədə tövsiyə verilib.

Qeyd edək ki, "Səbail" - "Neftçi" matçı 2:2 hesablı heç-heçə ilə yekunlaşıb. "Qəbələ" isə "Keşlə"ni məğlub edib - 2:1.

Oxşar xəbərlər

AFFA klubları cəzalandırdı

AFFA Mahmud Qurbanovu cəzalandırdı, "Neftçi" 4 min manat cərimə edildi

Təmkin Xəlilzadənin cəzası açıqlandı - sınaq müddəti verildi

Cavid Hüseynov yenə cəzalandı

AFFA Ruslanı vuran Monrozu cəzalandırdı