Bu gün AFFA İntizam Komitəsinin növbəti iclası keçirilib.

Sportfm.az xəbər verir ki, iclasda Azərbaycan Premyer Liqasının 6-cı turunun “Qəbələ” – “Neftçi” matçı başa çatdıqdan sonra “Qəbələ”nin futbolçuları Stiven Monroz ilə Ruslan Qurbanov arasında mübahisə ilə bağlı aşağıdakı qərarla qəbul edilib:

Azərbaycan Premyer Liqasının 6-cı turunun “Qəbələ” – “Neftçi” matçı başa çatdıqdan sonra “Qəbələ”nin futbolçuları Stiven Monroz ilə Ruslan Qurbanov arasında mübahisə baş verib və Stiven Monroz öz komanda yoldaşına əl ilə zərbə endirib.

“Qəbələ” İntizam Komitəsinə müraciət edərək futbolçunun öz növbəsində daxili nizam-intizam qaydalarına uyğun olaraq klubdaxili cəzalandırıldığını və futbolçular arasında baş vermiş münaqişənin həll olunduğunu nəzərə alaraq futbolçuya veriləcək cəzanın azaldılmasını xahiş edib.

Yuxarıda göstərilənləri nəzərə alaraq İntizam Komitəsi aşağıdakı qərarı qəbul edib.

“Qəbələ” – “Neftçi” matçı başa çatdıqdan sonra “Qəbələ” nin futbolçusu Stiven Monroz aqressiv davranışa görə birbaşa qırmızı vərəqə alaraq meydançadan kənarlaşdırıldığı üçün 4 oyun cəzalanıb, klub 3200 manat cərimə olunub.

Futbolçuya verilmiş 4 oyun cəzanın 2 oyunu şərti cəza kimi tətbiq edilir və ona 6 ay sınaq müddəti verilir. Sınaq müddəti ərzində futbolçu yenidən cəzalanacağı təqdirdə sanksiyanın növbəti hissəsi qüvvəyə minəcəkdir.

Oxşar xəbərlər

AFFA İntizam Komitəsinin qərarları - Diniyevə ağır cəza

AFFA iki futbolçunu cəzalandırdı - 200 manat

AFFA Mahmud Qurbanovu cəzalandırdı, "Neftçi" 4 min manat cərimə edildi

“Qarabağ”ın futbolçusuna pul cəzası

Cavid Hüseynov yenə cəzalandı