Formula 1 avtomobil yürüşləri televiziyası 2019-cu il mövsümü ərəfəsində keçirilən bütün testləri canlı efirdə nümayiş etdirəcək.

Sportfm.az xəbər verir ki, bununla bağlı Formula 1 seriyasının mətbuat üçün açıqlamasında məlumat verilib.

Translyasiyalar Formula 1 televiziyasının tətbiq etdiyi yenilikdir. Bu yayımlar vaxtı komandaların bolidlərinin testi barədə icmal şouları da göstəriləcək. Xatırladaq ki, testlər üzrə ilk qış sessiyası fevralın 21-dən 28-dək İspaniyanın Barselona şəhərində keçiriləcək. İkinci testlər də fevralın 26-dan martın 1-dək həmin məkanda təşkil olunacaq.

Formula 1 vəd edir ki, ona məxsus olan televiziyada proqramların sayı artırılacaq, o cümlədən canlı efirə geniş yer ayrılacaq. Tezliklə bu platformada Formula 1 yarışlarının yeddiqat çempionu Mixael Şumaxerin idmanda keçdiyi yoldan bəhs edən tammetrajlı yeni sənədli film də nümayiş etdiriləcək.

2018-ci il mövsümünün əvvəlindən etibarən Formula 1 televiziyasına 59 ölkədə abunə olmaq mümkün idi. 2019-cu il fevralın 18-dən isə bu siyahıya daha səkkiz ölkə - Kipr, Danimarka, Yunanıstan, Malta, Niderland, Norveç, Portuqaliya və İsveç də əlavə olunacaq.

Oxşar xəbərlər

Sınaq testləri Barselonada təşkil olunacaq - Formula 1

"Formula 1" avtomobillərinin təqdimat tarixləri məlum oldu

Bakıda Mixail Şumaxerin oğlunun "başına iş gəldi"

F1 TV mövsümqabağı testləri birbaşa yayımlayacaq

Formula 1 yarışlarının testlərinin cədvəli məlum oldu