Azərbaycan Kunq-fu Federasiyasının və “ALTIS” şirkətlər qrupunun təşkilatçılığı ilə dekabrın 23-də Dünya Azərbaycanlılarının Həmrəylik Gününə həsr edilmiş kunq-fu üzrə Prezident kuboku turniri keçirilib.

Sportfm.az xəbər verir ki, 300-ə yaxın idmançının iştirak etdiyi yarışın təşkilində əsas məqsəd idmançıların peşəkarlıq səviyyəsini artırmaq və dünya azərbaycanlılarının idmanın ətrafında birləşdirməkdir.

Turnirdə yeniyetmələrin yarışında Fərid Kazımov, gənclər arasında Ruslan Hüseynov, böyüklərdə isə Səxavət Həsənov, Murad Qasımov, Toğrul Mikayılov, Ellər Orucov, Erkin Osmanov, Rauf Gərayzadə, Şənlik Talıbov, Cahangir Qasımov, Xəyyam Səfixanov bütün döyüşlərdə qələbə qazanıblar.

Qaliblərə Prezident kuboku və diplomlar təqdim edilib.

Oxşar xəbərlər

Bakı çempionatının qalibləri müəyyənləşdi

20 Yanvar şəhidlərinin xatirəsinə həsr olunan turnir keçiriləcək

Toplanıb ilə yekun vurdular

Tayboks üzrə açıq Bakı turnirinin qalibləri müəyyənləşdi

Taekvando üzrə “Koreya səfiri kuboku” turniri keçiriləcək