"Hamı bilməsə də, peşəkar idmançılara məlumdur ki, il ərzində hər zaman zirvədə qalmaq mümkün deyil".

Sportfm.az xəbər verir ki, bunu Almaniyanın paytaxtı Berlində keçirilmiş Karate1 Premyer Liqasında gümüş medal qazanan Rafael Ağayev Gənclər və İdman Nazirliyində təşkil olunmuş mətbuat konfransında deyib.  

5 qat dünya çempionu il ərzində 7-ci yarışda iştirak etdiyini və hər birində də medal qazandağını vurğulayıb: "Heç bir yarışdan medalsız qayıtmamışam. Bu o demək deyil ki, mən hər şeyi əldə etmişəm. Döyüş zamanı hansısa səhvlərə görə finalda məğlub oluruq. Sonra isə yarışı izləyirik və səhvlərimiz üzərində çalışırıq. Məşqçilərin köməyi ilə səhvlərin öhtəsindən gələcəm".

33 yaşlı idmançı daha sonra hədəflərindən danışıb: "Bizim hədəfimiz nəyinki olimpiyadaya lisenziya qazanmaq, həm də dünya çempionluğunu və olimpiya medalını Azərbaycana gətirməkdir. İnanıram ki, qızıl medalı vətənə gətirəcəyik. Qarşıdakı yarışlarda bütün idmançılara uğurlar arzulayıram".

Qeyd edək ki, Karate1 Premyer Liqasında Rafael Ağayev (75 kq) və İrina Zaretska (68 kq) gümüş, Firdovsi Fərzəliyev (60) isə bürünc medal qazanıb. 

Oxşar xəbərlər

İrina Zaretskadan qızıl medal - Premyer Liqa turniri

Ağayev beynəlxalq turnirdə iştirak edəcək - Karate1 Premyer Liqa

Rafael Ağayev Tokio olimpiadasına lisenziya qazandı

Rafael Ağayev qanlar içində finala yüksəldi - FOTO

Berlindən qızıl medalsız qayıdırıq - FOTO