Səudiyyə Ərəbistanının Futbol Federasiyası 2018-ci il dünya çempionatına təyinat almış hakim Fəhəd əl-Mirdasini ömürlük diskvalifikasiya edib.

Sportfm.az xəbər verir ki, buna səbəb əl-Mirdasinin danışılmış oyunlarda iştirakıdır.

Daha əvvəl o, mayın 12-də keçirilmiş Kral Kubokunun final matçının hakimliyindən kənarlaşdırılıb. Bildirilir ki, referi mayın 11-də finalçı klublardan birinin rəsmi şəxsi ilə əlaqə quraraq, qələbəyə köməyi qarşılığında pul mükafatı tələb edib. Hazırda 33 yaşlı baş hakim həbsdədir.

Dünya çempionatı 14 iyun - 15 iyul tarixlərində Rusiyanın 11 şəhərindəki 12 stadionda keçiriləcək.

Oxşar xəbərlər

Məsiyev Avropa çempionatının finalında - Təyinat

Rüşvət alan hakim Dünya Çempionatından imtina etdi

Azərbaycanlı hakim Avropa Çempionatında

Konfederasiyalar Kubokunun qalibi müəyyən olunacaq

Smolov fərqləndi, ruslar qələbə qazandı - Konfederasiyalar Kuboku - 2017