Bolqarıstan millisinin voleybolçusu Dobriana Rabadjiyeva karyerasını Çində davam etdirəcək.

Sportfm.az xəbər verir ki, Qızıl Avropa Liqasında Azərbaycan yığmasına qarşı oynayacaq hücumçu "Everqrande" ilə danışıqları müsbət yekunlaşdırıb.

27 yaşlı Rabadjiyeva çinlilərlə 1 illik anlaşıb. Bu, onun Asiyada ilk sınağı olacaq. Dobriana "Everqrande"yə "Qalatasaray"dan transfer edilib. O daha öncə MOİK (Bolqarıstan), "Konegliano" (İtaliya), "Rabitə" (Azərbaycan) və "Volero"da (İsveçrə) forma geyinib.

Qeyd edək ki, Rabadjiyeva Bakının "Rabitə" klubunun şərəfini 2011-2013-cü illərdə qoruyub. O, bu komanda ilə 2 dəfə Azərbaycan, 1 dəfə klublararası dünya çempionatının qalibi olub. Dobriana, həmçinin "Rabitə" ilə Çempionlar Liqasının və mundialın finalında da oynayıb. 

Oxşar xəbərlər

“Rabitə”nin tarixi qələbəsindən 10 il ötür - UĞUR

Natalya Məmmədova karyerasını başa vurdu

Nataliya Məmmədova karyerasını başa vurdu - FOTO

Baş katib vəzifəsindən azad edildi - keçmiş prezident təyinat aldı

Azərbaycan çempionu Fransa klubunun baş məşqçisi oldu