Mayın 4-də Bakı Olimpiya Stadionunun (BOS) əsas meydanında WFCA-48 (World Fighting Championship Akhmat) adlı döyüş gecəsi keçiriləcək.

Sportfm.az xəbər verir ki, saat 19:00-da başlanacaq tədbirin təşkilatçıları "Axmat", Azərbaycan Cüdo Federasiyası və "Olimpiya" döyüş klublarıdır.

Bu, BOS üçün tam yeni formatlı tədbir olacaq. Gecədə 10 döyüş və 1 superdöyüş təşkil ediləcək. Azərbaycanı 3 döyüşçü - Vüqar Kərəmov, Mehman Məmmədov və Bəxtiyar Arzumanov təmsil edəcək. Digər döyüşçülər Rusiya, Ukrayna, Braziliya, Qırğız Respublikası və ABŞ-dan olacaq. Superdöyüş isə iki rusiyalı - Maqomedrəsul Xasbulayev və Salman Jamaldayev arasında keçiriləcək.

Biletlər aprelin əvvəlində satışa çıxarılacaq.

Döyüşlər üçün arenanın bir hissəsi ayrılacaq və səhnə ətrafında 4 min nəfərlik tribuna quraşdırılacaq.

Qeyd edək ki, əslən azərbaycanlı K-1 döyüşçüsü Zabit Səmədov da "Axmat" klubunun üzvüdür. (report.az)

Oxşar xəbərlər

Heydər Əliyevin 100 illiyinə həsr olunan turnir keçiriləcək

Zabit Səmədov Bakıda döyüşəcək

Könüllülər üçün xüsusi salamlama gecəsi təşkil olundu

Zabit Səmədov növbəti görüşünü keçirəcək

BOS-da döyüş olacaq