Oktyabrın 7-də həndbol üzrə XXV Azərbaycan çempionatına start verilib.

Sportfm.az xəbər verir ki, çempionatın açılış oyununda “ABU Arena”da kişilərdən ibarət “Bakı” və “Məhsul” komandaları üz-üzə gəliblər. Oyun “Məhsul” kollektivinin 29:24 hesablı qələbəsi ilə yekunlaşıb.

Sonra meydana qadın həndbolçular çıxıblar. “Azəryol” komandası ilə qarşılaşan "Qarabağ" klubu rəqibini minimal hesabla məğlub edib - 25:24.

Daha sonra yubiley çempionatın açılış mərasimi keçirilib.

Açılış mərasimində çıxış edən Azərbaycan Həndbol Federasiyasının vitse-prezidenti Orxan Abbasov idmanın bu növü üzrə əldə edilən nailiyyətlərdən danışıb. Vitse-prezident komandaların sayının ötən illərə nisbətən artdığını vurğulayaraq, həndbol həvəskarlarını maraqlı çempionatın gözlədiyini bildirib.

Açılış mərasimindən sonra keçirilən günün sonuncu oyununda isə qadın həndbolçular arasında “Azərsu” və “Nur” kollektivləri mübarizə aparıblar. Gərgin və maraqlı keçən görüşdən “Azərsu” klubu 30:26 hesabı ilə qalib ayrılıb.

Oxşar xəbərlər

Həndbol üzrə XXVII ölkə çempionatına start verildi

Azərbaycan çempionatına yekun vuruldu

Ölkə kuboku yarışlarının qalibləri müəyyənləşdi

Həndbol üzrə Azərbaycan kuboku turnirinə yekun vuruldu

"Nur" qələbələri sıralayır