“Qəbələ”nin yeni baş məşqçisi məlum olub.
Sportfm.az xəbər verir ki, bu barədə klubun yaydığı açıqlamada bildirilir.

“Qırmızı-qaralar” şimali makedoniyalı mütəxəssis Yeton Bekiri ilə 1+2 illik müqavilə bağlayıb. 44 yaşlı məşqçi son olaraq ölkəsində “Şkendiya” klubuna rəhbərlik edib.

O, müxtəlif illərdə “Drita”, “Qostivar”, “Renova”, “Struqa” (hamısı Şimali Makedoniya) və “Bilis” (Albaniya) klublarının baş məşqçisi, “Əl Cabalayn”nın isə (Səudiyyə Ərəbistanı) idman direktoru işləyib.

Yeton Bekiri 2024-2025-ci illər mövsümündə “Şkendiya” ilə Şimaili Makedoniya çempionu olub.

Qeyd edək ki, yeni baş məşqçi “Qəbələ”də sentyabrın 20-dən fəaliyyətə başlayacaq.

Oxşar xəbərlər

"Qəbələ" təşəkkür edib yola saldı

"Qəbələ"də yeni məşqçi - Təyinat

“Hatayspor”da yeni baş məşqçi - Təyinat

“Qəbələ”də türkiyəli məşqçi

"Qəbələ"də yeni məşqçi - Təyinat