13 iyun tarixində "MYVİDEO” TV-də Fransada keçirilən Avropa çempionatına həsr olunan "Futbol Dalğası EURO 2016” verilişi canlı yayımda efirə gedib. Sportfm.az xəbər verir ki, aparıcı Araz Əhmədov, ekspertlər Mehman Süleymanov və Fizuli Məmmədovla yanaşı, yığmamızın sabiq üzvü Arif İsayevdə diskussiyalara qatılıb. Proqramda arxada qalan görüşləri analiz edən qonaqlar, Türkiyə yığmasının ilk matçdakı məğlubiyyəti və sərgilədiyi zəif oyunla bağlı müzakirələr aparıblar. Bir saat ərzində müxtəlif yığmaların qrupdan çıxmaq şansları və  qeydə alınan sürpriz nəticələr haqqında da geniş söhbət açılıb. Verilişdə növbəti mövsümdən etibarən Azərbaycan Premyer liqasında 8 klubun çıxış etməsinə də münasibət bildirilib.  Qeyd edək ki, "Futbol Dalğası” verilişi hər həftənin bazar ertəsi, "MYVİDEO” TV-də saat 18:30-da yayımlanır.