20 iyun tarixində "MYVİDEO” TV-də Fransada keçiriləcək Avropa çempionatına həsr olunan "Futbol Dalğası EURO 2016” verilişi canlı yayımda efirə gedib. Sportfm.az xəbər verir ki, aparıcı Araz Əhmədov, ekspertlər Mehman Süleymanov və Fizuli Məmmədovla yanaşı, PRO kateqoriyalı mütəxəssis Arif Əsodovda diskussiyalara qatılıb. Proqramda EURO 2016-da arxada qalan görüşləri analiz edən qonaqlar, Albaniya yığmasının çıxışını da geniş müzakirə ediblər. Bir saat ərzində klublarımızın avrokuboklardakı rəqibləri müəyyənləşdikdən sonra,  onların şansları da dəyərləndirilib. Verilişdə "Qarabağ”ın, "Kəpəz”in, "Neftçi”nin və "Qəbələ”nin əldə edə biləcəyi nəticələrə dair müxtəlif fikirlər səsləndirilib.  Qeyd edək ki, "Futbol Dalğası” verilişi hər həftənin bazar ertəsi, "MYVİDEO” TV-də saat 18:30-da yayımlanır.