11 iyul tarixində "MYVİDEO” TV-də "Futbol dalğası” verilişi canlı yayımda efirə gedib. Sportfm.az saytı xəbər verir ki, bu dəfə aparıcı Araz Əhmədov, ekspertlər Mehman Süleymanov və Fizuli Məmmədovla yanaşı,  MOİK klubunun baş məşqçisi Muşviq Qənbərovda diskussiyalara qatılıb. Proqramda EURO 2016-nın final matçı, Portuqaliya yığmasının uğuru barəsində geniş söhbət açılıb. Bir saat ərzində klublarımızın avrokuboklarda şansları da dəyərləndirilib. "Neftçi"nin Malta səddini çətinliklə adlaması qızğın müzakirəyə səbəb olub. Qeyd edək ki, "Futbol Dalğası” verilişi hər həftənin bazar ertəsi, "MYVİDEO” TV-də saat 18:30-da yayımlanır.