Çinin Sindao şəhərində keçirilən cüdo üzrə Qran-pri turnirində Azərbaycan millisinin növbəti uğuruna Murad Fətiyev imza atıb.

Sportfm.az xəbər verir ki, -90 kq çəki dərəcəsində mübarizə aparan cüdoçumuz üçüncü yer uğrunda görüşdə Qırğızıstan təmsilçisi Erjan Kanatbekovu məğlub edərək bürünc medala sahib çıxıb.

Bununla da Azərbaycan millisi Sindao Qran-prisini 1 qızıl və 3 bürünc medalla başa vurub. Yarışın əvvəlki günlərində Zelim Tçkayev (-81 kq) qızıl, Əhməd Yusifov (-60 kq) və Hidayət Heydərov (-81 kq) isə bürünc medal qazanıblar.

57 ölkənin iştirak etdiyi turnirdə Azərbaycan yığması ümumi komanda hesabında 4-cü, kişilər arasında isə 3-cü yeri tutub.

Oxşar xəbərlər

Murad Fətiyevdən qızıl medal

Heydərov Çində medal qazandı - FOTO

Millimiz Meksikada qalib oldu

Cüdoçularımız qran-prini 7 medalla başa vurdu

Cüdoçularımız Avropa çempionatını 5 medalla başa vurdu