Azərbaycan cüdoçuları Monteneqroda keçirilən böyüklər arasında Avropa çempionatını beş medalla başa vurub.

Sportfm.az xəbər verir ki, yığma Podqoritsa şəhərində baş tutan qitə yarışında 1 gümüş və 4 bürünc medal əldə edib.

100 kq çəki dərəcəsində tatamiyə çıxan Zelim Kotsoyev gümüş medala yiyələnib. Əhməd Yusifov (60 kq), Rəşid Məmmədəliyev (73 kq), Zelim Tçkayev (-81 kq) və Murad Fətiyev (-90 kq) bürünc medal qazanıb.

Uşanqi Kokauri (+100 kq) turniri 5-ci, Turan Bayramov (-60 kq) isə 7-ci pillədə tamamlayıb. Yığma mötəbər turnirdə qarışıq komanda yarışında da iştirak edib.

Yekunda Azərbaycan medalların əyarına görə 47 ölkə arasında ümumi komanda hesabında 10-cu, kişilər arasında isə 5-cı yeri tutub.

Zelim Kotsoyevdən başqa, bütün mükafatçılarımız karyeralarında ilk dəfə böyüklər arasında Avropa çempionatının medalçısı olublar. Azəbaycan cüdo tarixində ilk dəfə olaraq idmançılarımız qitə yarışında beş müxtəlif çəki dərəcəsində fəxri kürsüyə yüksəlib.

Ölkəmizi Avropa çempionatında 12 çəki dərəcəsində 15 cüdoçu (9 kişi, 6 qadın) təmsil edib.

Oxşar xəbərlər

Avropa Çempionatında gümüş medal - FOTO

Üç cüdoçumuz mübarizəyə başlayır - Avropa çempionatı

Cüdoçularımız Avropa Kubokunda 5 medal qazandı

Cüdoçularımız qızıl medal qazana bilmədi - Avropa Kuboku

Cüdoçularımız Avropa kubokunu 4 medalla başa vurdu