Azərbaycan boksçusu Səidcəmşid Cəfərov Çinin Quyyan şəhərində keçirilən Dünya kubokunun qalibi olub.

Sportfm.az xəbər verir ki, bu barədə Azərbaycan Boks Federasiyası məlumat yayıb.

75 kq çəki dərəcəsində mübarizə aparan milli üzvü finalda Rami Kiuanla (Bolqarıstan) döyüşüb.

Hər 3 raundu xeyrinə başa vuran Cəfərov yekunda 5:0 (30:27, 30:27, 30:27, 30:27, 29:28) hesabı ilə qələbə qazanıb və Dünya kubokunda qızıl medala yiyələnib.

Beləliklə, Azərbaycan milli komandası 40 ölkənin 300 idmançısının qatıldığı ilin ikinci reytinq xarakterli yarışını 1 qızıl və 2 bürünc medalla başa vurub. Boksçularımızdan daha öncə Murad Allahverdiyev (80 kq) və Alfonso Dominqes (90 kq) bürünc mükafat qazanıb.

Oxşar xəbərlər

Boksçularımızdan uğurlu nəticə - 1-i finala yüksəldi, 2-si bürünc medal qazandı

3 boksçumuz Dünya Kubokunun yarımfinalında!

Azərbaycan millisi dünya kubokunda iştirak edəcək

Boksçularımızdan tarixi nəticə - Dünya kuboku

Azərbaycan boksçusu qızıl medal qazandı - Dünya kuboku