Rusiyanın Kaluqa Rayon Məhkəməsi 41 yaşlı bir kişi barəsində iki ay müddətinə həbs-qətimkan tədbiri seçib. O, Rusiya funksional çoxnövçülük çempionu Dmitri İsayevin qətlində ittiham olunur.

Sportfm.az xəbər verir ki, bu barədə TASS məlumat yayıb.

“Məhkəmə 2 ay müddətinə həbs-qətimkan tədbirinin seçilməsinə qərar verdi”, - deyə hakim bildirib.

Qeyd olunur ki, təqsirləndirilən şəxs 2026-cı il iyulun 6-dək həbsdə qalacaq. Təqsirləndirilən şəxs və müdafiə tərəfi məhkəmədən ev dustaqlığı qətimkan tədbiri seçilməsini xahiş ediblər. Təqsirləndirilən şəxs ittihamı tam şəkildə etiraf edib.

Rusiya funksional çoxnövçülük çempionu Dmitri İsayev 7 may gecəsi Kaluqada güllələnib. Yaralandıqdan sonra həkimlər onu xilas etməyə çalışsalar da, idmançı reanimasiya şöbəsində dünyasını dəyişib. Qətldə şübhəli bilinən şəxs saxlanılıb və Rusiya Cinayət Məcəlləsinin 105-ci maddəsinin 1-ci hissəsi (qətl) üzrə cinayət işi açılıb.

Oxşar xəbərlər

Zaur Axundov həbs olundu

Bakıda xanım idmançı həbs edildi - Quldurluq

Hafiz Məmmədovla bağlı yeni qərar - Protest təmin edilmədi

Millimizin oyunçusu barədə qətimkan tədbiri dəyişdi

Bakıda futbol məşqçisi həbs edildi! - Uşaqlara qarşı seksual zorakılıq etdiyinə görə - ŞOK