Polşanın Bielsko-Biala şəhərində 14-18 oktyabr 2026-cı il tarixlərində keçirilən WKF üzrə kadetlər, gənclər və U21 arasında 14-cü dünya çempionatı başa çatıb.

Sportfm.az xəbər verir ki, Azərbaycan milli komandası mötəbər yarışda 1 qızıl, 1 gümüş və 3 bürünc olmaqla ümumilikdə 5 medal qazanıb.

114 ölkədən 2000-dən çox idmançının iştirak etdiyi dünya çempionatında karateçilərimiz uğurlu çıxışları ilə fərqlənərək ölkəmizi layiqincə təmsil ediblər.

Dünya çempionatının medalçıları:

* Şamo Kamilov (U16, +70 kq) qızıl medal, dünya çempionu;

* Vüsal Qənbərov (U18, -55 kq) gümüş medal;

* Rəsul Qənbərli (U16, -52 kq) bürünc medal;

* Nurlan Əlimuradov (U16, -70 kq) bürünc medal;

* Rəşid Süleymanov (U21, -75 kq) bürünc medal.

Azərbaycan nümayəndə heyəti dünya çempionatında Azərbaycan Karate Federasiyasının baş katibi Qabil Sayadovun, baş məşqçilər Elnur İbrahim və Anar Allahverdiyevin, köməkçi məşqçilər Coşqun Sadiqov və kata üzrə məşqçi köməkçisi İsmayıl Quliyevin rəhbərliyi ilə iştirak edib.

Çempionatda ölkəmiz beynəlxalq hakimlik sahəsində də təmsil olunub. Beynəlxalq dərəcəli hakimlərimizdən Cahangir Babayev tatami menecerinin köməkçisi, Vüqar Kərimov isə apellyasiya hakimi qismində fəaliyyət göstəriblər.

Oxşar xəbərlər

Məmmədəliyev bürünc medal qazandı - Dünya çempionatı

Karateçilərimiz dünya çempionatında 5 medal qazandı

Karateçilərimizdən dünya çempionatında 5 medal

Karateçilərimiz dünya çempionatında 4 medal qazandı

İdmançılarımız dünya çempionatında 17 medal qazandı