Dünya şöhrətli müğənni Keti Perri 2026-cı il Formula 1 Qatar Airways Azərbaycan Qran Prisində səhnə alacaq.

Sportfm.az xəbər verir ki, bu barədə Bakı Şəhər Halqası Əməliyyat Şirkəti məlumat yayıb.

Formula 1 Qatar Airways Azərbaycan Qran Prisinin 10 illik yubileyinə təsadüf edən 2026-cı il yarış həftəsonu bu dəfə öncəki illərdən daha möhtəşəm və fərqli atmosfer vəd edir. Yubiley proqramının əsas hadisələrindən biri isə dünya şöhrətli ifaçı Keti Perrinin Bakıda səhnə alması olacaq. Qlobal musiqi səhnəsinin ən parlaq və nüfuzlu simalarından biri olan sənətçi 25 sentyabr tarixində keçiriləcək xüsusi gecədə minlərlə Formula 1 azarkeşinə unudulmaz şou təqdim edəcək.

Daha əvvəl məlumat verildiyi kimi, yarış həftəsonunun konsert proqramında dünya şöhrətli DJ və prodüser Kelvin Harris də çıxış edəcək.

Qeyd edək ki, Azərbaycan Qran-prisi sentyabrın 24-26-da baş tutacaq.

Oxşar xəbərlər

Azərbaycan qran-prisinin proqramı dəqiqləşdi - Formula 1

Azərbaycan Qran-prisinin fan-zona və konsert biletləri satışda - Formula 1

Dünya ulduzu Bakıdakı yarışa gəlir - Formula-1

Daha bir məşhur Bakıya gəlir - Formula 1 üçün

Azərbaycan Qran-Prisində konsert olacaq