Polyak üzgüçü Sebastyan Karas bir ilkə imza atıb: o, tarixdə ilk dəfə Baltik dənizini üzərək keçə bilib.

Sportfm.az xəbər verir ki, bu idmançı Polşanın Kolobjeq şəhəri ilə Danimarkanın Bornholm adası arasındakı məsafəni 28,5 saata qət edib.

İdmançını kiçik bir gəmi müşayiət edib. Bu müddətdə bəzən dalğaların hündürlüyü 2 metrə çatır, suyun temperaturu isə 20 dərəcəni aşmırdı.

Sebastyan Karas Baltik dənizini üzərək keçmək üçün ilk dəfə keçən il cəhd göstərib, lakin o vaxt startdan 8 saat sonra üzgüçü səhhətinin vəziyyətinə görə bu cəhdini yarımçıq dayandırmalı olub.

26 yaşlı üzgüçü Elblonqda anadan olub. İki il bundan əvvəl o, La-Manş kanalını üzərək keçib və o vaxt da yüksək nəticə göstərib.

Nigar Cəfərli

AZƏRTAC-ın xüsusi müxbiri

Varşava

Oxşar xəbərlər

Mirça Luçeskunun köməkçiləri müəyyənləşdi

Fettel yenə öndədir

51 yaşlı üzgüçüdən dəhşətli sınaq

Elxan Məmmədov seçki platformasını təqdim etdi

105 yaşında rekorda imza atdı