"Formula 1" üzrə Kanada Qran Prisinə yekun vurulub.

Sportfm.az xəbər verir ki, qalib adını "Ferrari"nin almaniyalı pilotu Sebastyan Fettel qazanıb.

O, finişə 1 saat 10,764 dəqiqəyə çatıb. İkinci yeri ondan 0,093 saniyə geri qalan "Mercedes"in finlandiyalı pilotu Valtteri Bottas tutub. Üçüncü pillə isə "Red Bull"un hollandiyalı pilotu Maks Ferstappenə qismət olub. Ferstappen 1 saat 10,937 saniyə nəticə göstərib. Ümumilikdə 20 iştirakçıdan 19-u finişə çata bilib.

7 mərhələdən sonra "Mercedes"in böyük britaniyalı pilotu Lüis Hemilton 110 xalla liderdir. Hemilton Kanada Qran Prisində finişə 1 saat 10,937 saniyəyə çataraq, 4-cü yeri tutub. Fettel 96 xalla 2-ci, "Red Bull"un avstraliyalı pilotu Daniel Rikkardo 72 xalla 3-cüdür.

Avtomobillərin mübarizəsində ilk 3 yerdə "Mercedes" (178 xal), "Ferrari" (156 xal) və "Red Bull" (107 xal) qərarlaşıb.

Qeyd edək ki, növbəti Qran Pri 22-24 iyunda Fransada keçiriləcək.

Oxşar xəbərlər

Abu Dabi Qran-prisinin qalibi məlum oldu - Formula 1

Rusiya Qran-prisinin qalibi məlum oldu

Yaponiya Qran Prisinin qalibi müəyyənləşdi

Fettel Belçika Qran-prisinin qalibi oldu

Fettel Britaniya Qran-prisinin qalibi oldu