Avqustun 8-də AFFA-nın konfrans salonunda AFFA yanında Media Komitəsinin (MK) İdarə Heyətinin növbəti iclası keçirilib.

 

Sportfm.az xəbər verir ki, idarə Heyətinin üzvləri Mahir Rüstəmli, İlqar Tağıyev, Araz Əhmədov, Vüqar Xeyrullayev, Ruslan Mikayıllı, Rüstəm Piriyev və qurumla AFFA arasında əlaqələndirici Firuz Abdullanın iştirak etdiyi iclasda iyul ayı üçün layihələrin icrası ilə bağlı mentorların hesabatı dinlənilib. Hələ də bəzi saytların "layihə” bölməsi açmaması təəssüf hissi ilə vurğulanıb. Növbəti çərşənbə axşamına qədər həmin saytlar çatışmazlığı aradan qaldırmasa, MK-nın cəza sanksiyaları işə düşəcək. Daha sonra iclasda cari məsələlər müzakirə olunub.