Futbol üzrə Azərbaycan millisi DÇ-2026-nın seçmə mərhələsi çərçivəsində evdə ilk oyununu sentyabrın 9-da Bakıdakı Tofiq Bəhramov adına Respublika stadionunda Ukrayna komandası ilə keçirəcək.

Sportfm.az idman.biz-ə istinadən xəbər verir ki, bu matça Ukrayna Futbol Assosiasiyasının prezidenti, 2004-cü il "Qızıl top"un sahibi Andrey Şevçenkonun da gələcəyi gözlənilir.

Bildirilir ki, AFFA məşhur futbol adamının Bakı səfəri üçün proqram hazırlayıb.

Qeyd edək ki, Şevçenko 2024-cü il yanvarın 25-dən Ukrayna Futbol Assosiasiyasına rəhbərlik edir. O, futbolçu kimi karyerasının böyük hissəsini "Milan"da keçirib, baş məşqçi kimi isə Ukrayna yığması və "Cenoa"nı çalışdırıb.

Oxşar xəbərlər

Hamı ona səs verdi, özü isə bitərəf qaldı - Seçki

Şevçenko Futbol Federasiyasının prezidenti oldu

Şevçenko Azərbaycan yığmasını bəyənmədi

Andrey Şevçenko: "Xal itkisini ağlımızdan keçirmirik"

Ukrayna millisi boş tribunalar önündə oynayacaq