Ölkədə, xüsusən də Bakıda stadion tapılmır. Təəssüflər olsun ki, meydança məsələsi, hazırda Azərbaycan futbolunun ən ağrılı məsələlərindən biridi.

Xəbər verdiyimiz kimi, bir müddət öncə ASK Arena təmirə bağlanıb. Buna səbəb isə bazanın Azərbaycanda fəaliyyət göstərəcək "Barselona Akademiyası"na icarəyə verilməsidi.

Hazırda arenanın əsas meydançasını təmir edirlər. İki illiyə icarəyə götürülən ASK Arena ilə yanaşı, Adnan Əhmədzadənin adamları 4-cü meydançanı da ələ keçirib.

Artıq həmin meydançaya uzun illərdi baxan şəxslər ordan uzaqlaşdırılıb. Heç bir təmir işi görülməyən, pis vəziyyətdə olan meydançada bu günə qədər məşq edən komandalara yeni "qiymət oxunub".

"Burda mənəm, Bağdadda kor Xəlifə" - deyən, yeni Vaqif adlı müdir, hər kəsdən üçqat artıq pul tələb edir.

Adamların "Barselona Akademiyası" adı altında meydançaları nədən ələ keçirdikləri indi aydın olur - pul qazanmaq!

Uzun illərdi 4-cü meydançada məşq edən, oyun keçirən komandalar isə ortalıqda qalıb, onlar sözlərini kimə deyəcəklərini bilmirlər.

Oxşar xəbərlər

"Şəfa" klubu yeni stadiona köçür, təmir başladı - EKSKLÜZİV

Azərbaycanda "Barselona"nın akademiyası yaradılacaq - Yenilik

"Şəfa" stadionu yenidən əl dəyişdirdi, təmir başladı - ÖZƏL, FOTO

Bakıda yeni stadion peyda olub - iranlılar işlədir - FOTO

"Keşlə"nin dərdi var, "Keşlə" xəstədi - TƏHLÜKƏ