“Kəpəz” növbəti mövsüm üçün yay təlim-məşq toplanışınının ilkin mərhələsini Gəncədə keçirəcək.

Sportfm.az xəbər verir ki, bu barədə açıqlamasında “sarı-göylər”in yeni baş məşqçisi Adil Şükürov məlumat verib.

Onun sözlərinə görə, hazırlığın doğma şəhərdə keçirilməsinin səbəbi qatar vasitəsilə Gürcüstana səfər edərək xarici klublarla yoxlama görüşləri keçirmək imkanından yararalanmaqdır: “Gözləyirik, qatar yolu açılsın. Qatarla gedib oynayıb, geri qayıtmaq mümkündür. Bilmirik, qatar yolu açılacaq, yoxsa o müddətə qədər açılmayacaq. Amma ümumu hazırlığı Azərbaycan daxilində keçirəcəyik”.

Şükürov toplanış müddətində ümumilikdə 5 yoxlama oyunu keçirmək niyyətində olduğunu bildirib: “İyulun 1-dən komanda toplanışa başlayacaq. Ona qədər bəzi futbolçulara baxmalıyıq. Ümumi 5 yoxlama görüşü keçirməyi planlaşdırırıq. Tarixləri tam dəqiqləşdirmədiyimiz üçün deyə bilməyəcəyəm.
Rəqiblər və onlarla razılıqdan aslıdır”.

Qeyd edək ki, Adil Şükürov “Kəpəz”lə 2+1 illik müqavilə imzalayıb.

Oxşar xəbərlər

"Kəpəz"in yeni mövsüm üçün hazırlıq planı

“Kəpəz”in hazırlıq planı müəyyənləşdi

“Kəpəz” Türkiyəyə yollanır?

"Kəpəz" qış hazırlıq planında hara yollanacaq?

"Zirə" yay hazırlıq planını açıqladı