Futnet üzrə Azərbaycan yığmasının baş məşqçisinin adına aydınlıq gəlib.

 

Sportfm.az xəbər verir ki, 2017-ci ildə təsis olunan Azərbaycan Futnet Assosiasiayasının İcraiyyə Komitəsinin ilk iclası baş tutub. Tam tərkibdə keçən toplantıda görülən işlərlə bağlı hesabat dinlənilib. Komitə üzvləri Rusiyanın paytaxtı Moskvada keçirilən son turnirdə iştirak edən futnet üzrə yığma komandamızın çıxışına qiymət verib və idmançılarımızın ilk cəhddən qazandığı nəticəni uğurlu sayıb. Daha sonra futnet millimizin baş məşqçi postuna PRO kateqoriyalı mütəxəssis Elşad Quliyevin təyin edilməsi öz təsdiqini tapıb. İclasda İcraiyyə Komitəsinin yeni üzvü Nərgiz Eyvazova çıxış edərək, bu idman növünün Azərbaycanda populyarlıq qazanması üçün Assosiasiyasının bütün imkanlarını səfərbər edəcəyini bildirib. Cari məsələlərin və gələcək planların da müzakirə edildiyi yığıncaqda, futnet üzrə ölkəmizdə təşkil ediləcək beynəlxalq və daxili yarışların təqvimi də təsdiqlənib. 

Qeyd edək ki, artıq AFNA tərəfindən Beyləqanda, Gəncədə və Tovuzda futnet üzrə mötəbər turnirlər keçirilib.