Bakıda “Triterra Baku Triathlon Club” və “Cyber Athletics Azerbaijan”nın birgə təşkilatçılığı ilə “CYBERWinD Olympic Series” adlı ilk kiber triatlon yarışı baş tutub.
Sportfm.az xəbər verir ki, turnirdə “Triterra”, “Metak”, “Tristar” və “World Class Azerbaijan” klublarının təmsilçiləri olan 17 idmançı iştirak edib. Reqlamentə əsasən, atletlər 40 kilometrə bərabər virtual məsafəni qət ediblər.

Finişə birinci Teymur Fərəcov (“Triterra” klubu) çatıb. Elçin Əliyev (“Tristar”) ikinci, Zaur Arkania (“Triterra”) üçüncü olub.

Kiber triatlon üzrə yarış Azərbaycanda ilk dəfə təşkil olunub. Turnirin gələcəkdə E-İdman Olimpiadasında Azərbaycan təmsilçilərinin müəyyən olunması üçün təsnifat xarakter daşıyacağı gözlənilir.

Qeyd edək ki, yarış Gənclər və İdman Nazirliyi, eləcə də Azərbaycan Triatlon Federasiyasının dəstəyi ilə keçirilib.

Oxşar xəbərlər

Triatlonçularımızdan yüksək nəticə - Beynəlxalq yarış

Azərbaycanda bir ilk - Triatlon üzrə ölkə kuboku keçirildi

Triatlonçular Su İdmanı Sarayında bir araya gələcək - Yarış

Böyük triatlon yenidən Azərbaycana qayıdır

Bakıda kompüter oyunları üzrə seçmə mərhələ yarışı baş tutdu - FOTO