AFFA-nın İntizam Komitəsinin növbəti iclası keçirilib.

Sportfm.az xəbər verir ki, tədbirdə "İnter"in baş məşqçini təhqir edən gənc futbolçusu ilə bağlı qərar verilib. 

Belə ki, 15 mart 2017-ci il, U-19 Liqasında "İnter” – "Neftçi” matçının 15-ci dəqiqəsində "İnter” klubunun 22 №-li futbolçusu Tural Osmanov öz komandasının baş məşqiçisini təhqir etdiyinə görə meydandan kənarlaşdırılıb. AFFA həmin futbolçunu 4 oyunluq cəzalandırıb (maddə 42.3). Bu, liqalarla bağlı ən ağır cəza olub. Qeyd edək ki, "İnter" U-19-nun baş məşqçisi Xaqani Məmmədovdu.

Liqalarla bağlı digər qərarlar aşağıdakılardı:

25 mart 2017-ci il, Bakcell U-17 Liqasında "Səbail” – "Zirə” matçının 65-ci dəqiqəsində "Zirə” klubunun baş məşqçisi Aqil Nəbiyev texniki zona qaydalarını pozduğuna görə meydandan kənarlaşdırıldığı üçün 1 oyun cəzalanır (maddə 62).

13 mart 2017-ci il, Bakcell U-17 Liqasında "İnter” – "Səbail” matçında "Səbail” klubunun 99 №-li futbolçusu Xəzər Mahmudov oyunu buraxmalı olduğu halda  oyunda iştirak etdiyinə görə kluba 0:3 hesablı texniki məğlubiyyət verilir (maddə 51).

16 mart 2017-ci il, U-16 "Vətən” – "Kəpəz” matçının 62-ci dəqiqəsində "Vətən” klubunun 21 №-li futbolçusu Qabil Əlizadə rəqibi təhqir etdiyinə görə meydandan kənarlaşdırıldığı üçün 3 oyun cəzalanır (maddə 42.1).

16 mart 2017-ci il, U-16 Liqasında, "Neftçi” – "Ağsu” matçının 10-cu dəqiqəsində "Neftçi” klubunun 17 №-li futbolçusu Orxan Fərəcov aqressiv davranışa görə birbaşa qırmızı vərəqə alaraq meydandan kənarlaşdırıldığı üçün 2 oyun cəzalanır (maddə 38.1).

16 mart 2017-ci il U-16 Liqasında "İnter” – "Zirə” matçının 63-cü dəqiqəsində "Zirə” klubunun 7 №-li futbolçusu Zahir Xanhüseynli ikinci sarı vərəqə alaraq meydandan kənarlaşdırıldığı üçün 1 oyun cəzalanır (maddə 48). Oyunun 74-cü dəqiqəsində "Zirə” klubunun 99 №-li futbolçusu Allahyar İsgəndərov ikinci sarı vərəqə alaraq meydandan kənarlaşdırıldığı üçün 1 oyun cəzalanır (maddə 48).

25 mart 2017-ci il Boulevard Hotel U-15 Liqasında "Mil-Muğan” – "İnter” matçının 53-cü dəqiqəsində "İnter” klubunun 14 №-li futbolçusu Fərid Muxtarov ikinci sarı vərəqə alaraq meydandan kənarlaşdırıldığı üçün 1 oyun cəzalanır (maddə 48).

25 mart 2017-ci il Boulevard Hotel U-15 Liqasında "Qəbələ” – "Şəmkir” matçında "Şəmkir” klubunun iştirak etməməsinə görə kluba 0:3 hesablı texniki məğlubiyyət verilir (maddə 56).

27 mart 2017-ci il Bakcell U-17 Liqasında "Qarabağ” – "Sumqayıt” matçının 89-cu dəqiqəsində "Sumqayıt” klubunun 8 №-li futbolçusu Etibar Ağalarov ikinci sarı vərəqə alaraq meydandan kənarlaşdırıldığı üçün 1 oyun cəzalanır (maddə 48).

27 mart 2017-ci il Bakcell U-17 Liqasında "Neftçi” – "Vətən” matçının 85-ci dəqiqəsində "Neftçi” klubunun 43 №-li futbolçusu Elton Əlibəyli rəqib futbolçunu  təhqir etdiyinə görə meydandan kənarlaşdırıldığı üçün 3 oyun cəzalanır (maddə 42.1).

29 mart 2017-ci il U-19 Liqasında "Zirə” – "Şərurspor” matçında "Şərurspor” klubunun iştirak etməməsinə görə kluba 0:3 hesablı texniki məğlubiyyət verilir (maddə 56). Bu hal  3-cü dəfə təkrar olunduğu üçün klub yarışlardan kənarlaşdırılır.

29 mart 2017-ci il U-19 Liqasında AZAL – "Sumqayıt” matçının 33-cü dəqiqəsində "Sumqayıt” klubunun 11 №-li futbolçusu Vüsal Buludlu hakimi təhqir etdiyinə görə meydandan kənarlaşdırıldığı üçün 3 oyun cəzalanır (maddə 42.1).

1 aprel 2017-ci il Boulevard Hotel U-15 Liqasında "İnter” – "Kəpəz” matçının 69-cu dəqiqəsində "Kəpəz” klubunun 2 №-li futbolçusu Azər Məmmədov ikinci sarı vərəqə alaraq meydandan kənarlaşdırıldığı üçün 1 oyun cəzalanır (maddə 48).