AFFA İntizam Komitəsi Azərbaycan kubokunun 1/4 final mərhələsinin “Turan Tovuz”   – “Kəpəz” oyununda baş verən hadisələrlə bağlı qərarlar verib.

Sportfm.az xəbər verir ki, Peşəkar Futbol Liqasının saytında dərc olunan qərara əsasən, hər iki kluba cəza tətbiq edib.

“Turan Tovuz”ın qapıçısı Tərlan Əhmədli oyundan sonra ikinci sarı vərəqə aldığına görə 1 oyun cəzalandırılıb və klub 200 manat cərimə edilib.

Azarkeşlər tərəfindən oyunun rəsmi şəxslərinin ünvanına təhqiramiz ifadələrin işlənməsinə görə “Turan Tovuz” 4000 manat cərimə edilib. Bundan başqa, oyunda meydançaya kənar əşyaların atılmasına görə “Turan Tovuz” 1600 manat cərimələnib. Klub daha 1600 manat məbləğində isə kənar şəxslərin meydançaya daxil olmasına görə cərimə edilib.

Bundan başqa, matçda pirotexniki vasitələrdən istifadə edildiyinə görə “Turan Tovuz” 800 manat cərimə edilib. 

 “Kəpəz”in azarkeşləri tərəfindən oyunun rəsmi şəxslərinin ünvanına təhqiramiz ifadələrin işlənməsinə görə isə “Kəpəz” klubu 4000 manat cərimə edilib. “Kəpəz” komandasının oyunçusu Mate Kvrikvia oyundan sonra ikinci sarı vərəqə aldığı üçün 1 oyun cəzalandırılıb və klub 200 manat cərimə edilib.

“Kəpəz” klubunun azarkeşləri tərəfindən stadiona dəymiş ziyan (oturacaqların sındırılması)  “Kəpəz” klubu tərəfindən tam ödənilməlidir.