"Sumqayıt”ın kapitanı Vurğun Hüseynov Topaz Premyer Liqasının XX turunda yubiley qeyd edib.

Sportfm.az xəbər verir ki, Tovuz futbol məktəbinin yetirməsi olan müdafiəçi ölkə çempionatının yüksək dəstəsində 250-ci matçını keçirib. Bu müddətdə 7 qol vuran futbolçunun yubileyi "Zirə”ylə səfər matçında 0:1 hesablı məğlubiyyətlə nəticələnib.

Debütü 2005/06 mövsümünə təsadüf edən Hüseynov 12 çempionat ərzində cəmi 3 klubun formasını geyinib. İlk komandası olan "Turan”da 82 oyunda 3 qol vuran müdafiəçi "Qəbələ”də 65 matçda 4 dəfə fərqlənib. İndiki klubunda 103 dəfə meydana çıxan kapitan qol hesabını açmayıb.

Qeyd edək ki, Hüseynov Premyer Liqada 250 və daha çox oyun keçirən 53-cü futbolçu olub. Ötən tur onun komanda yoldaşı Fərhad Vəliyev 250-yə çatmışdı.

 

2005/06	Turan (Tovuz)	7	0
2006/07	Turan (Tovuz)	6	0
2007/08	Turan (Tovuz)	25	1
2008/09	Turan (Tovuz)	13	0
2008/09	Qəbələ	10	0
2009/10	Qəbələ	27	3
2010/11	Turan (Tovuz)	31	2
2011/12	Qəbələ	21	1
2012/13	Qəbələ	7	0
2013/14	Sumqayıt	22	0
2014/15	Sumqayıt	29	0
2015/16	Sumqayıt	33	0
2016/17	Sumqayıt	19	0
Cəmi		250	7