Topaz Premyer Liqasının XXII turunun “Qəbələ” ilə qarşılaşması (1:1) “Zirə”nin futbolçusu Anar Nəzirov üçün əlamətdar olub. Paytaxt təmsilçisinin kapitanı Azərbaycan çempionatlarında 200-cü matçını keçirib. 2005/06 mövsümündə “Gəncə”nin (indiki “Kəpəz”) heyətində debüt matçına çıxan qapıçı bu matçlarda 266 qol buraxıb.

Sportfm.az xəbər verir ki, Azərbaycan çempionatları tarixinə 200 və daha çox oyun keçirmiş 10-cu qapıçı kimi düşən Nəzirov 7 klubun şərəfini qoruyub. 33 yaşlı qolkiper “Turan”da 69, “Zirə”də 62, “Qəbələ”də 25, “Standard”da 19, “Sumqayıt”da 17, “Neftçi”də 6, indiki “Kəpəz”də 2 matç keçirib.

Qeyd edək ki, Anar cari mövsümdə 200-cü oyununu keçirən 7-ci futbolçudur. Ona qədər Novruz Məmmədov, Şəhriyar Rəhimov, Tural Cəlilov (hamısı “Kəpəz”), Ruslan Abışov (“Neftçi”), Ansi Aqolli, Əfran İsmayılov (hər ikisi “Qarabağ”) buna nail olub. 

Oxşar xəbərlər

Premyer Liqamızda yeni mövsümün təqvimi - SİYAHI

“Neftçi”dən rekord, “Sumqayıt”dan bir ilk - Premyer Liqa

Topaz Premyer Liqasında II dövrəyə start veriləcək

Topaz Premyer Liqası: V tur rəqəmlərin gözü ilə

"Neftçi" ilə başlayan "Kəpəz": Mövsümün son turu rəqəmlərin gözü ilə