Azərbaycan şahmatçısı Şəhriyar Məmmədyarov norveçli dünya çempionu Maqnus Karlsenin təşkil etdiyi "Champions Chess Tour" onlayn seriyasının birinci mərhələsində növbəti görüşünü keçirib.

Sportfm.az xəbər verir ki, 37 yaşlı qrossmeyster "Oslo Esports Cup"ın beşinci turunda niderlandlı Aniş Giri ilə üz-üzə gəlib. Qarşılaşma Məmmədyarovun 3,5:2,5 hesablı qələbəsi ilə başa çatıb.

Məmmədyarov ilk turda çinli Le Kuanq Lyeyə qalib gəlib, ardınca hindistanlı Rameşbabu Praqnanandhaya, kanadalı Erik Hansenə və polşalı Yan-Kşiştof Dudaya uduzub.

Qeyd edək ki, turnirin mükafat fondu 210 000 ABŞ dollarıdır.

Oxşar xəbərlər

Şəhriyar Məmmədyarov dünya çempionunu məğlub etdi - Champions Chess Tour

Şəhriyar Məmmədyarov bu gün dünya çempionu ilə qarşılaşacaq - Champions Chess Tour

Məmmədyarov niderlandlı şahmatçıya qalib gəldi - Champions Chess Tour

Şəhriyar Məmmədyarov niderlandlı şahmatçı ilə üz-üzə gələcək

210 min dollar üçün "Şah"ın gedişi başlayır