Sabiq futzalçının yardıma ehtiyacı var.

Sportfm.az xəbər verir ki, futsal üzrə Azərbaycan çempionatında Yüksək Liqasında çıxış edən və "PSL” komandasının kapitanı olan Ceyhun İsmayılov Facebook-da paylaşım edib. 35 yaşlı Həvəskarlar Liqasının "DİSPUT” komandasının oynayan məşqçisi yazdığı statusda xərçəng xəstəliyi diaqnozu qoyulan anasının ötən ilin aprelində əməliyyat olunduğunu, ancaq vəziyyətinin günü-gündən daha da pisləşdiyini qeyd edib. Heç vaxt həyatda kimdənsə pul istəmədiyini yazan Ceyhun, anası üçün buna məcbur olduğunu bildirib. Dünyada anasından başqa heç kiminin olmadığını vurğulayan İsmayılov, satılası heç nəyinin qalmadığını, onun anasının həyatda qalması üçün kömək etməyi xahiş edir.