Türkiyənin Antalya şəhərində keçirilən cüdo üzrə Böyük Dəbilqə turniri davam edir.

Sportfm.az xəbər verir ki, bu gün Azərbaycanın daha 5 cüdoçusu mübarizəyə başlayacaq. Kişilərin yarışında  Rüstəm Orucov  (73 kq) 1/16 finalda Denislav İvanov (Bolqarıstan) ilə qarşılaşacaq. Telman Vəliyev (73 kq) təsnifatda Coşua Qrini (İrlandiya) sınağa çəkəcək. Elcan Hacıyev  (81 kq) və Murad Fətiyev (81 kq) mübarizəyə təsnifatdan başlayacaqlar. Onlar müvafiq olaraq Jim Heyjman (Hollandiya) və Kedrik Kalonqa (Konqo Demokratik Respublikası) ilə üz-üzə gələcək.

Qadınların mübarizəsində isə 70 kq-da yer alan Günel Həsənli 1/16 finalda Lidya Brançeva (Bolqarıstan) ilə görüşəcək.