Yunan-Roma güləşi üzrə Azərbaycan milli komandası Norveçin paytaxtı Oslodakı dünya çempionatını 3-cü pillədə başa vurub. 

Sportfm.az xəbər verir ki, baş məşqçi Aleksandr Tarakanov, böyük məşqçi Rövşən Bayramov və məşqçi Həsən Əliyevin rəhbərliyi altında yığma 1 qızıl, 1 gümüş və 2 bürünc medalla 107 xal toplayıb. Rusiya 152 xalla birinci, İran 146 xalla ikinci pillədə qərarlaşıb.

Beləliklə, Azərbaycan komandası 6 illik fasilədən sonra Dünya çempionatında ilk "3-lük"də qərarlaşıb. Bundan başqa, Azərbaycan yunan-Roma güləşi tarixində ilk dəfə mundialda 4 medal qazanıb ki, bu da rekord nəticədir.

Qeyd edək ki, Osloda Rafiq Hüseynov (82 kq) qızıl, Sənan Süleymanov (77 kq) gümüş, Eldəniz Əzizli (55 kq) və Murad Məmmədov (60 kq) bürünc medal qazanıb.

Oxşar xəbərlər

Yığmamız Avropanın 3-cü güclü komandasıdı

143 medal qazanılıb - Rəqəmlər

Yığmamızın heyəti bilindi - Dünya çempionatı

Yığmamızın lisenziya yarışı üçün heyəti açıqlandı - SİYAHI

Güləşçilərimizdən rekord göstərici