Azərbaycanın yunan-Roma güləşi üzrə yığma komandasının Bolqarıstanın paytaxtı Sofiyada keçiriləcək Dünya Olimpiya Təsnifat turniri üçün heyəti açıqlanıb.

Sportfm.az xəbər verir ki, baş məşqçi Aleksandr Tarakanov, böyük məşqçi Rövşən Bayramov və məşqçi Həsən Əliyevin rəhbərliyi altında Murad Məmmədov (60 kq), Rəsul Çunayev (67 kq), Rafiq Hüseynov (77 kq), Murad Lokyayev (97 kq) və Beka Kandelaki (130 kq) Tokio-2020 Yay Olimpiya Oyunlarına lisenziya qazanmağa çalışacaq.

Komanda Bolqarıstana mayın 6-da yollanacaq. Yunan-Roma güləşi üzrə mübarizə turnirin son iki günündə baş tutacaq.

Güləşin bu növündə İslam Abbasov (87 kq) martda Macarıstanda keçirilmiş Avropa Olimpiya Təsnifat turnirində lisenziya qazanıb.

Dünya Olimpiya Təsnifat Turnirinə mayın 9-da yekun vurulacaq.

Oxşar xəbərlər

Abubakr milli komandamızın heyətində olacaq - Heyət

Yunan-Roma güləşçilərimiz mübarizəyə başlayır - Təsnifat turniri

Millimizin heyəti açıqlandı - Olimpiya Təsnifat turniri

Güləşçilərimiz mübarizəyə başlayır - Lisenziya turnirində

Yığmalarımızın heyəti açıqlandı - Lisenziya turniri üçün