Azərbaycanlı döyüşçü yenidən rinqə qayıdır. Söhbət 2011-ci ildə karyerasını başa vurduğunu açıqlayan, K-1 üzrə peşəkar döyüşçü Hafiz Baxşəliyevdən gedir. 

Sportfm.az saytına fikirlərini bildirən Baxşəliyev uzun sürən aradan sonra döyüşmək istədiyini deyir:

"Gələn təklifləri və öz istəyimi dəyərləndirib, altı ildir çıxmadığım rinqə qayıdıram. Bu il yenidən K-1 yarışlarında qüvvəmi sınayacam. Aradan çox vaxt keçib, bilirəm çətin olacaq, amma çalışacam yenə titullar qazanım. Qürbətdə Azərbaycan üçün döyüşmək, vətənin bayrağını uca tutmaq mənə əlavə güc verəcək”.

Qeyd edək ki, 2011-ci ildə son final döyüşündə ingiltərəli Daniel Sama mğılub olan H.Baxşəliyev Londonda yaşayır.