Bu gün futbol üzrə Azərbaycan Premyer Liqasında XXII tura yekun vurulacaq.

Sportfm.az xəbər verir ki, ikinci oyun günündə daha iki qarşılaşma keçiriləcək.

Günün ilk matçı paytaxtda olacaq. 31 xalla 3-cü pillədə qərarlaşan "Zirə" 18 xalla sonuncu sırada yer alan "Keşlə"ni qəbul edəcək. Komandalar indiyədək çempionatda 22 dəfə üz-üzə gəliblər. Bunların 7-də meydan sahibləri, 6-da qonaqlar 3 xal qazanıb. 9 görüşdə isə heç-heçə qeydə alınıb. Bu rəqiblərin Premyer Liqadakı son 5 qarşılaşmasında ən azı 4 qol vurulub. “Keşlə” ardıcıl 3 səfər matçında "Zirə"yə uduzub.

Turun son oyununda "Qarabağ" "Sumqayıt"la üz-üzə gələcək. Hazırda 43 xalla 2-ci pillədə gedən Ağdam klubu yenidən vahid liderə çevrilməkdən ötrü uduzmamalıdır. "Gənclik şəhəri" təmsilçisi isə 29 xalla 4-cüdür.

Bu, komandaların çempionatda 35-ci oyunu olacaq. Əvvəlki 34 görüşün 24-də "köhlən atlar", 5-də isə qonaqlar qələbə qazanıb. Digər 5 matç isə heç-heçə yekunlaşıb. “Sumqayıt” son 4 Premyer Liqa oyununda rəqibinə qalib gələ bilməyib. “Qarabağ” isə ardıcıl 10 ev oyununda qələbə qazanıb.

Azərbaycan Premyer Liqası

XXII tur

17:00. “Zirə” – “Keşlə”
Hakimlər: Rəşad Əhmədov, Rahil Ramazanov, Müslüm Əliyev, Elçin Məsiyev
Hakim-inspektor: Ramil Diniyev
AFFA nümayəndəsi: Aslan Şahgəldiyev
Zirə İdman Kompleksinin stadionu

19:15. “Qarabağ” – "Sumqayıt"
Hakimlər: Rauf Cabarov, Namiq Hüseynov, Nahid Əliyev, İnqilab Məmmədov
Hakim-inspektor: Ceyhun Haşımov
AFFA nümayəndəsi: Əsgər Əmirəliyev
“Azersun Arena”

Xatırladaq ki, ilk oyun günündə "Qəbələ" "Neftçi" ilə 2:2, "Sabah" isə "Səbail" komandası ilə 0:0 hesablı heç-heçə edib.

Oxşar xəbərlər

"Qəbələ" "Zirə"yə, "Neftçi" "Sumqayıt"a qarşı - Azərbaycan Premyer Liqası

“Qarabağ” “Zirə”yə qarşı - Azərbaycan Premyer Liqası

"Sumqayıt" "Zirə" ilə üz-üzə - YENİLƏNİR

"Sabah" "Qəbələ"yə, "Keşlə" "Zirə"yə qarşı - Premyer Liqamızda III tur

Premyer Liqa oyunlarına təyinatlar açıqlandı - XXII tur