"Məcburi fasilənin komandaya necə təsir etməsi barədə dəqiq bir şey deyə bilmərəm. Bunu qarşıdakı oyunlar göstərəcək".

Sportfm.az xəbər verir ki, bunu açıqlamasında "Sabah" klubunun futbolçusu Ramil Şeydayev deyib.

Azərbaycan Premyer Liqasının XII turunda "Neftçi" ilə keçirəcəkləri oyun barədə fikirlərini bölüşən 24 yaşlı hücumçu meydana qələbə üçün çıxacaqlarını bildirib: "Bizi çətin oyun gözləyir. Mütləq qalib gəlməli olduğumuz qarşılaşmadır. Fikrimcə, maraqlı görüş olacaq".

Son vaxtlar start heyətinə düşməkdə və qol vurmaqda çətinlik çəkən forvard komandasının yaxşı nəticə qazanmasının daha vacib olduğunu vurğulayıb: "Əsas olan komandanın qalib gəlməsidir. Qarşıdakı oyunlarda da bunun üçün əlimdən gələni edəcəyəm. Sabahkı matçda, əlbəttə, qol vurmağa çalışacağam".

Qeyd edək ki, "Sabah" - "Neftçi" oyunu saat 17:15-də start götürəcək. (report)

Oxşar xəbərlər

"Qol vurmaqda çətinlik çəkirəm" - Namik Ələskərov

"Penaltini Ramil vursaydı, bəlkə, heç qapıya getməyəcəkdi" - Təmkin Xəlilzadə

"Neftçi"ni düşünmürəm" - Aleksandr Rıbka

Ramil Şeydayev: "Xorvatiyaya qol vurmağa çalışacağam"

Mahir Mədətov Millətlər Liqasından öncə son oyun barədə: "Qələbə bizə müsbət təsir edəcək"