UEFA Avropa Liqasında I qrupunun III turunda Türkiyə "Sivasspor"u ilə "Qarabağ" arasında keçirilmiş oyunun hakimlərinin dəyişdirilməsinin əsl səbəbi müəyyənləşib.

Sportfm.az xəbər verir ki, daha əvvəl UEFA-nın matça təyin etdiyi portuqaliyalı referi Joau Pineyruda koronavirus aşkarlandığı üçün qarşılaşma İsveçrədən olan hakimlər briqadasına həvalə olunub. Məlumatı Portuqaliya Futbol Federasiyasının rəsmi saytı yayıb.

Pineyru ilə yanaşı, yan xətt hakimləri Tyaqu Joze Pereyra Koşta və Pedru Ribeyru da müvafiq olaraq, isveçrəli həmkarları ilə əvəzləniblər. Oyunun 4-cü hakimi Yanku Yoan Vasilitsa isə dəyişdirilməyib.

Qeyd edək ki, "Qarabağ"ın 0:2 hesabı ilə uduzduğu matçı Sandro Şörerin başçılıq etdiyi hakimlər briqadası idarə edib.

Oxşar xəbərlər

"Olimpiakos" - "Neftçi" - Hakim təyinatları

"Sivasspor" - "Qarabağ" oyununun hakimləri dəyişdi - Avropa Liqası

"Sivasspor" - "Qarabağ" oyunu portuqaliyalı hakimlərə tapşırıldı

Azərbaycan - Xorvatiya matçının hakimləri məlum oldu

Avroliqanın finalı üçün hollandiyalı hakim