"Formula 1" üzrə dünya çempionatının 9-cu mərhələsi bu gün başlayır. 

Sportfm.az xəbər verir ki, Toskana Qran-prisi İtaliyada "Ferrari" komandasına məxsus Mudcello trasında olacaq. 

"Ferrari" üçün bu mərhələ tarixdə 1000-ci olacaq. Yubiley yarışının evdə keçirilməsinə pandemiya səbəb olub, həmçinin cari mövsümün təqvimi yenidən hazırlanıb. 

Toskana Qran-prisi bu il azarkeşlərlə keçirilən ilk Qran-pri olacaq. Təşkilatçılar 3 gün davam edəcək yarışın hər günündə tribunalara 3 min azarkeş buraxmağı planlaşdırırlar. 

 "Ferrari" son yarışlarda elə də yaxşı nəticə göstərmir. Bu səbəbdən, fanatlar məmnun deyil. 

Toskana Qran-prisi Bakı vaxtı ilə saat 13:00-da sərbəst yürüşlə başlayacaq. Yarışa sentyabrın 13-də yekun vurulacaq. 

Qeyd edək ki, hazırda "Mersedes"in pilotu Lüis Hemilton 164 xalla liderliyini davam etdirir. Onun komanda yoldaşı Valtteri Bottas 117 xalla 2-ci, "Red Bull" pilotu Maks Ferstappen 110 xalla üçüncüdür. 

Konstruktorların yarışında "Mercedes" 281 xalla birinci, "Red Bull Racing Honda" 158 xalla ikinci, "McLaren Renault" 98 xalla 3-cü yerdə gedir. 

Oxşar xəbərlər

Hamilton yenə qalib oldu - Böyük Britaniya Qran-Prisi

Rusiya Qran-prisinin qalibi məlum oldu

Hemilton Toskana Qran Prisinin qalibi oldu - "Formula-1"

Soçidə “Formula 1” üzrə Rusiya Qran-prisi start götürdü

Yaponiya Qran Prisinin qalibi müəyyənləşdi