"Barselona"nın futbolçusu Lionel Messi komandadan ayrılmağa qərar verib.

Sportfm.az xəbər verir ki, bu barədə İspaniyanın "Cuatro" kanalı məlumat yayıb. Məlumata görə, tezliklə rəsmi açıqlama veriləcək.  

Kanalın yaydığı məlumata görə, 33 yaşlı hücumçu komandanın yeni baş məşqçisi Ronald Kumanla görüşündə niderlandlı mütəxəssisdən istədiyi cavabları almayıb. Kuman Messiyə komandada futbolçular arasında fərq qoymayacağını və komanda birliyinə önəm verəcəyini bildirib. 

"Mançester Yunayted", "Mançester Siti", "İnter" və "Yuventus"un ulduz futbolçu ilə maraqlandığı vurğulanıb. 

Argentinalı hücumçu katalonlarda keçirdiyi 731 oyunda 634 qol vurub, 285 məhsuldar ötürmə edib. Messi 6 dəfə "Qızıl top"u qazanıb.

Oxşar xəbərlər

“Ümid edirəm Messi mənim klubuma keçər” – Xuan Mata

“Messi məşqlərdə əlindən gələni edir” - “Barselona”nın baş məşqçisi

Messi "Barselona"da qala bilər - Atası açıqladı

Kuman Messi haqqında danışdı - “Messini razı salmalıyammı, bilmirəm”

Messi biabırçılığa dözmür - İddia