Qadın taekvondoçulardan ibarət Azərbaycan millisinin heyətində dəyişiklik edilib. Apasport.az-a Taekvondo federasiyasından verilən məlumata görə, ölkəmiz Bakıda keçiriləcək Qran-pri yarışlarının final mərhələsinə 3 idmançı ilə qatılmağa qərar verib.

Belə ki, həlledici döyüşlərdə Azərbaycanı Patimat Abakarova (49 kq), Yaprak Eriş (57 kq) və Fəridə Əzizova (67 kq) təmsil edəcək. Halbuki, bir gün öncəyə kimi yarışda bir idmançı ilə iştirak edəcəyimiz açıqlanmışdı. Abakarova və Əzizovanın zədə səbəbindən Qran-prini buraxacağı bildirilirdi.

Turnirdə hər çəki dərəcəsi üzrə Ümumdünya Taekvondo Federasiyasının olimpiya reytinqində qərarlaşan ən güclü 16 idmançı mübarizə aparacaq.