Gəncə stadionunda baş verənlərlə bağlı "Neftçi" klubu bəyanat yayıb. Sportfm.az xəbər verir ki, bəyanatda Gəncə şəhər stadionunda keçirilmiş "Kəpəz” – "Neftçi” görüşündə baş verən xoşagəlməz hadisələrə etiraz edilib.

İşin ən gülünc tərəfi ondan ibarətdir ki, Gəncə klubunu çempionatın əsasnaməsinin şərtlərini pozmaqda günahlandıran "Neftçi” PFK-nın rəsmiləri, məktubu "Kəpəz”in uzun müddətdir klubdakı vəzifəsindən azad olunmuş sabiq icraçı direktoru Mehman Allahverdiyevə ünvanlayıb. 

Qeyd edək ki, bir müddət əvvəl "Kəpəz"in Müşahidə Şurasının qərarı ilə Mehman Allahverdiyev səhhətiylə əlaqədar olaraq, öz xahişi ilə işdən azad olunub. Cabir İbrahimov klubun yeni icraçı direktoru təyin olunub.