"Kəpəz" də "Neftçi"nin klubdan qovulan sabiq icraçı direktoru Elnur Məmmədovu komandaya "qaytarıb. Futbol11.az xəbər verir ki, bu dəfə bakılıların mətbuat xidmətinin rəhbəri Mehman Rəsulov "Kəpəz" rəsmilərinin səhvə yol verdiyini sosial şəbəkədə qeyd edib.

Rəsulov məsələ ilə bağlı bunları qeyd edib: "Bəyanat-bəyanat oynamaq fikrimiz yoxdu. Amma mexaniki səhvdən heç kim sığortalanmayıb. 14.09.2016-cı il tarixdə "Neftçi" PFK sabiq icraçı direktor Elnur Məmmədovun vəzifəsindən azad edilməsi barədə rəsmi məlumat yaymışdı. Amma bundan 14 gün sonra yəni 28.09.2016-cı il tarixdə "Kəpəz" klubu Elnur Məmmədovun adına məktub ünvanlayıb. Fərq bir dənə ondadır ki, biz "Əlincə" stadionunda heç kimi əl çalmağa məcbur etməmişdik".

Qeyd edək ki, "Neftçi" tərəfi "Kəpəz"ə göndərdiyi məktubu klubun işdən qovulan icraçı direktoru Mehman Allahverdiyevin adına ünvanlamışdı.