UEFA Avropa Liqasının qrup mərhələsinin V turunun "Qəbələ” – "Anderlext” (Belçika) oyunundan (1:3) sonra "qırmızı-qaralar”ın məşqçisi Sənan Qurbanovun mətbuat konfransı keçirilib. Sportfm.az klubun rəsmi saytına istinadən sizləri gənc mütəxəssisin fikirləri ilə tanış edir: "Sent-Etyen”lə qarşılaşmada olduğu kimi yenə üzücü oyun oldu. Futbolçularımız yaxşı oynadı. Ani diqqətsizlik üzündən qapımızda qollar gördük. "Anderlext” kimi sürətli komanda ilə oyunda buna yol verməyin nəticəsi belə olur. Baş məşqçimiz oyundan öncə də bu barədə futbolçulara xəbərdarlıq etmişdi. Buna baxmayaraq, futbolçularımız ümumilikdə yaxşı oynadı. Biz də ona üzülürük ki, yaxşı oynayıb, məğlub olduq. "Qəbələ” üçün ardıcıl iki mövsüm qrupda oynamaq böyük təcrübədir. Həm ötən il, həm bu il yaxşı oyunlar keçirmişik. Belə təcrübə toplamaqla komandamız irəli gedəcək. Mən köməkçi məşqçiyəm, baş məşqçinin tapşırıqlarını yerinə yetirirəm. O, hər qarşılaşmadan öncə öz göstərişlərini verir. Məğlub olmaq xoş deyil. Görüşü analiz edib, çatışmazlıqları aradan qaldıracağıq. Bu oyunla heç nə bitmir, irəli baxmaq lazımdır. Bu, həm mən, həm komanda üçün təcrübədir. Oyundan öncə penalti olarsa, bu zərbəni Rikardinyo və ya Filip Ozobiçin yerinə yetirəcəyini müəyyənləşdirmişdik. Braziliyalı inamlı şəkildə topu götürüb, dəqiq zərbə ifa etdi. O, ikinci cəhddə də dəqiq oynadı. Amma təkrar zərbə zamanı artıq psixoloji amil özünü göstərdi. Zədələnən Baqali Dabonun durumuna sabahkı müayinədən sonra aydınqlıq gələcək. Ağrılar onun topuğundadır”.

Oxşar xəbərlər

Qurbanov "Qəbələ" - AZAL qarşılaşması haqqında

Roman Qriqorçuk: "Rəqib daha güclü idi"

"Burada olduğum müddətdə belə futbol oynamayacağıq"

Roman Qriqorçuk: "Cavid Hüseynovun yenidən bizimlə olmasına şadam"

Roman Qriqorçuk: "Lakin bu haqda danışmağa hazır deyiləm"