İngiltərə millisinin yeni baş məşqçisinin adına rəsmən aydınlıq gəlib. Sportfm.az xarici mətbuata istinadən xəbər verir ki, İngiltərə Futbol Federasiyası Qaret Sautqeyti baş məşqçi postuna təsdiqləyib. Rüşvət aldığı üçün istefaya göndərilən Sem Ellardaysın əvəzinə müvəqqəti olaraq milliyə gətirilən mütəxəssislə 4 illik müqavilə imzalanıb. Onun illik məvacibi 1,5 milyon funt-sterlinq olacaq.

Qeyd edək ki, İngiltərə yığması Sautqeytin rəhbərliyi altında DÇ-2018-in seçmə mərhələsi çərçivəsində Şotlandiya üzərində böyükhesablı (3:0) qələbə qazanıb. Bundan sonra yerli assosiasiya Sautqeytlə müqavilə imzalamaq qərarına gəlib.